FB MOVIE 166

រឿងបោកប្រាស់អាចមានច្រើនរបៀបណាស់ដែលនេះជាមូលហេតុឲ្យយើងពិបាកកត់សំគាល់......

រឿងបោកប្រាស់អាចមានច្រើនរបៀបណាស់ដែលនេះជាមូលហេតុឲ្យយើងពិបាកកត់សំគាល់។ វានឹងកាន់តែយ៉ាប់ទៅទៀតនៅពេលដឹងថាមនុស្សដែលបោកប្រាសនោះគឺជាមនុស្សដែលយើងស្រឡាញ់បំផុត។ ខាងក្រោមនេះគឺជាសញ្ញាខ្លះៗដែលស្រីៗគួរតែកត់សម្គាល់ដើម្បីជៀសវាងការធ្លាក់ក្នុងអន្ទាក់៖ ១. គេតែងបង្វែរអ្វីៗគ្រប់យ៉ាងមកលើយើង៖ មិនថារឿងអ្វី សម្រេចសម្រួចទៅគឺយើងជាអ្នកខុស។ ចំណែកគេវិញគឺមិនដែលខុសទេ។ ២៖ មិនចង់ឲ្យយើងធ្វើអ្វីដោយគ្មានគេទេ៖ កុំច្រឡំឲ្យសោះថាការធ្វើបែបនេះគឺជាការបារម្ភ ឬយកចិត្តទុកដាក់នោះ។ តាមពិតគឺគេមិនចង់ឲ្យជីវិតយើងរីកចម្រើនលើសគេនោះទេ ហើយត្រូវតែស្ដាប់តាមគេជានិច្ច។ ៣. ប្រកែករឿងដែលខ្លួនធ្លាប់សន្យាពីមុន៖ រឿងក្រឡាស់សម្ដីនេះគឺជាជំនាញរបស់គេហើយ។ ៤. ធ្វើខ្លួនដូចជាជនរងគ្រោះ៖ គេហាក់ដូចជាមិនដែលទទួលខុសត្រូវលើជីវិតផ្ទាល់ខ្លួនទេ។ ពេលមានបញ្ហា គេតែងដាក់ការស្ដីបន្ទោសទៅលើអ្នកដទៃដើម្បីឲ្យយើងកាន់ជើង និងអាណិតគេ។ ៥. មិនចូលចិត្តពេលឃើញយើងរវល់៖ អ្នកអាចយល់ថាវាជារឿងល្អ តែមិនមែននោះទេ។ បុរសល្អគេគួរតែយល់ពីភារកិច្ចរបស់មនុស្សដែលគេស្រឡាញ់ មិនមែនចេះតែផ្ញើសារ ឬCall មករំខានសមាធិធ្វើការយើងនោះឡើយ៕

កន្លែងដែលគួរឱ្យរន្ធត់ទាំង ៩ ដែលនឹងធ្វើឲ្យអ្នកព្រឺរោម!!

មានកន្លែងបោះបង់ចោលជាច្រើននៅជុំវិញពិភពលោកហើយវាទាំងអស់មានប្រវត្តិពិសេសរបស់ខ្លួន។ កន្លែងខ្លះមានបរិយាកាសគួរឲ្យភ័យខ្លាច។ កន្លែងផ្សេងទៀតជម្រុញឱ្យអ្នកមានអារម្មណ៍ភ័យខ្លាចខ្លាំង។
១. ស្ថានីយ៍កណ្តាល Michigan, ក្រុង Detroit
២. Pripyat ប្រទេសអ៊ុយក្រែន ៣. នាវាដឹកអ្នកដំណើរ SS របស់អាមេរិច
៤. កោះឌីស្កូវហ្វ័ររីនៅរដ្ឋផ្លរីដា សហរដ្ឋអាមេរិច
៥. សណ្ឋាគារ del Salto, Bogota, ប្រទេសកូឡុំប៊ី
៦. មន្ទីរពេទ្យយោធា Beelitz, Brandenburg ប្រទេសអាល្លឺម៉ង់
៧. វិមាន Miranda ប្រទេសបែលហ្ស៊ិក
៨. រោងចក្រអគ្គិសនីនៅ Charleroi, បែលហ្សិក
៩. ទូកអេស្ប៉ាញ the San Jose

វ៉េបសាយដែលរកប្រាក់ចំណូលបានច្រើនជាងគេលើពិភពលោក

បដិវត្តន៍នៃបច្ចេកវិទ្យា ធ្វើអោយមានការប្រែប្រួលយ៉ាងខ្លាំងក្លាទៅលើផ្នត់គំនិតរបស់មនុស្សក្នុងលោកដែលបានស្គាល់ និងទទួលយកនូវអ្វីដែលថ្មីនិងទាន់សម័យនិយមស្របទៅតាមបរិបទនៃការរស់នៅរបស់មនុស្សសម័យថ្មីក្នុងសករាជនៃបច្ចេកវិទ្យានេះ។ មនុស្សបានផ្លាស់ប្តូរទំលាប់ និងរបៀបរស់នៅប្រចាំថ្ងៃដើម្បីឈានចាប់យកវប្បធម៌មួយដែលមានលក្ខណៈវិទ្យាសាស្រ្ត មានប្រសិទ្ធិភាព និងលឿនរហ័សស្របពេលនៃការមកដល់នៃប្រព័ន្ធអ៊ិនធឺណិតដ៏ទូលំទូលាយ គ្មានដែនកំណត់ដើម្បីភ្ជាប់ទំនាក់ទំនងទៅកាន់មនុស្សនានានៅលើពិភពលោកដោយគ្រាន់តែប្រើចង្អុលដៃរបស់អ្នកជាការស្រេច។ ការចែករំលែកព័ត៌មាន ការទិញទំនិញ ការស្វែងរកព័ត៌មានដ៏មានប្រសិទ្ធិភាព ដើម្បីការងារជំនូញ សិក្សាស្រាវជ្រាវ និងទំនាក់ទំនងក្នុងបណ្តាញសង្គម បានក្លាយទៅជាប្រធានបទគួរជាទីចាប់អារម្មណ៍យ៉ាងខ្លាំងនាសម័យកាលនេះ។ ដោយបានយល់ដឹងពីទំនោរជាសាកលនៃជំនួញពិភពលោក មាននិន្នាការទៅលើប្រព័ន្ធអ៊ិនធឺណិត ក្រុមហ៊ុនមួយចំនួនកំពុងតែត្រូវប៉ាន់យ៉ាងខ្លាំង និងបានចំណេញប្រាក់ដ៏ច្រើនសន្ធឹកសន្ធាប់ពីការងារនេះ។

ហាម Zoom បើប្រើ Iphone

ហាម Zoom បើប្រើ Iphone
ពិតណាស់បើអ្នកប្រើខុសពី iPhone កាមេរ៉ាភ្លោះ ម៉ូដែល 7 Plus រាល់ពេលថតវីដេអូអ្នកមិនត្រូវ Zoom ជាដាច់ខាត។ យល់ល្អត្រូវទៅឲ្យជិត Subject នោះផ្ទាល់តែម្ដង ឬចង់ផ្លាស់ប្ដូរស្តាយផ្សេងៗណាមួយ អាចប្រើប្រាស់ Len Zoom ជំនួយក៏បាន។

៤ យ៉ាងសំខាន់ៗបំផុតគួរដឹង មុនឡើងមករៀននៅភ្នំពេញ

ក្នុង១ឆ្នាំៗ មានសិស្សរាប់ពាន់នាក់មកពីតាមបណ្ដាខេត្តនានា សម្រុកមករាជធានីភ្នំពេញ ដើម្បីបន្តការសិក្សាថ្នាក់បរិញ្ញាបត្រ បន្ទាប់ពីទទួលបានជោគជ័យ ក្នុងការប្រឡងមធ្យមសិក្សាទុតិយភូមិ។ ក្នុងន័យជួយសម្រួលនិស្សិតមកពីបណ្ដាខេត្តទាំងអស់ ក្នុងការទទួលបានព័ត៌មានសំខាន់ៗ សូមលើកយកនូវរឿង ៤យ៉ាង ដែលជាព័ត៌មានចាំបាច់បំផុតមុនឡើងមករាជធានីភ្នំពេញ ដូចខាងក្រោមនេះ៖
១. សាកលវិទ្យាល័យរដ្ឋនិងឯកជនធំៗមួយចំនួន
រឿងសំខាន់បំផុតបន្ទាប់ពីទទួលបានជោគជ័យក្នុងការប្រឡងមធ្យមសិក្សាទុតិយភូមិ គឺការជ្រើសសាកលវិទ្យាល័យដើម្បីបន្តការសិក្សា។ ខាងក្រោមនេះជាគ្រឹះស្ថានឧត្ដមសិក្សាសាធារណៈ និងឯកជនធំៗមួយចំនួននៅរាជធានីភ្នំពេញ៖ សាកលវិទ្យាល័យភូមិន្ទភ្នំពេញ សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច សាកលវិទ្យាល័យជាតិគ្រប់គ្រង សាកលវិទ្យាល័យវិទ្យាសាស្ត្រសុខាភិបាល សាកលវិទ្យាល័យភូមិន្ទវិចិត្រសិល្បៈ សាកលវិទ្យាល័យភូមិន្ទកសិកម្ម វិទ្យាស្ថានបច្ចេកវិទ្យាកម្ពុជា វិទ្យាស្ថានជាតិពហុបច្ចេកទេសកម្ពុជា សាកលវិទ្យាល័យបញ្ញាសាស្ត្រកម្ពុជា សាកលវិទ្យាល័យកម្ពុជា សាកលវិទ្យាល័យន័រតុន សាកលវិទ្យាល័យមេគង្គកម្ពុជា សាកលវិទ្យាល័យហ្សាម៉ាន់ សាកលវិទ្យាល័យបៀលប្រាយ សាកលវិទ្យាល័យអាមេរិកាំងភ្នំពេញ
២. កន្លែងស្នាក់នៅ
ជាទូទៅសិស្សដែលមកពីតាមបណ្ដាខេត្តភាគច្រើន ត្រូវស្នាក់នៅបន្ទប់ជួល ដើម្បីបន្តការសិក្សា។
តំបន់ស្ទឹងមានជ័យ ក្នុងមួយបន្ទប់ចន្លោះពី ៤០ ទៅ៦០ដុល្លារ
អាស្រ័យជាន់លើឫជាន់ក្រោម តំបន់ពេទ្យរុស្សី និស្សិតមកពីខេត្តភាគច្រើនពេញនិយមស្នាក់នៅតំបន់នោះ ដោយសារតម្លៃសមរម្យចន្លោះពី ៤០ ទៅ ៦០ដុល្លារ
តំបន់ចាក់អង្រែក្រោម តម្លៃចន្លោះពី ៣០ ទៅ ៦០ដុល្លារ
តំបន់ក្រោយសាលាវ៉ាន់ដា តម្លៃចន្លោះពី ៤០ ទៅ ៧០ដុល្លារ។ល។
៣. កន្លែងសិក្សាស្រាវជ្រាវពេញនិយមសម្រាប់និស្សិត
បណ្ណាល័យល្បីៗមួយចំនួន ដែលនិស្សិតអាចសិក្សាស្រាវជ្រាវដោយមិនគិតថ្លៃមានដូចជា៖ បណ្ណាល័យជាតិ ទល់មុខសាកលវិទ្យាល័យជាតិគ្រប់គ្រង មានផ្ទុកឯកសារសំខាន់ៗរាប់ម៉ឺនក្បាល និស្សិតអាចចូលស្រាវជ្រាវបាន ប្រសិនបើចង់ខ្ចីត្រូវធ្វើកាតសមាជិកសិន បណ្ណាល័យអាលីយ៉ង់ ហ្រ្វង់សេ មានសៀវភៅគ្រប់ប្រភេទ ទាំងភាសាជាតិ ភាសាបារាំង អង់គ្លេស ជាពិសេសកន្លែងអង្គុយបំពាក់ដោយម៉ាស៊ីនត្រជាក់មានផាសុកភាព។ ប្រសិនបើនិស្សិតចង់ខ្ចីសៀវភៅត្រូវកាតសមាជិក។ បណ្ណាល័យសម្ដេចហ៊ុន សែន ក្នុងសាកលវិទ្យាល័យភូមិន្ទភ្នំពេញ ជិត CKCC បណ្ណាល័យសម្ដេចហ៊ុន សែន ក្នុងវិទ្យាល័យបឹងត្របែក។ល។
៤. សួនច្បារធំៗ
និស្សិតអាចសម្រាកលម្ហែកាយ និងសិក្សាបាន សួនច្បារមុខវត្តបទុមវតី សួនច្បារវិមានឯករាជ្យ សួនច្បារម្ដុំក្ដាន់ពីរ សួនច្បារ និងទីធ្លាក្នុងសាកលវិទ្យាល័យភូមិន្ទភ្នំពេញ។ល។

គុណសម្បត្តិគ្រូបង្រៀន ៦យ៉ាង ដែលសិស្សចង់បាន

នេះជាបដាមួយផ្ទាំង បរិយាយពីគុណសម្បត្តិ ៦ យ៉ាងរបស់គ្រូបង្រៀនសមតាមបំណងសិស្ស ដែលមានបិទនៅលើជញ្ជាំងសាលានៃវិទ្យាល័យព្រះស៊ីសុវត្ថិ។

១. គ្រូបង្រៀនល្អ មានការខ្នះខ្នែងដល់សិស្ស ២. គ្រូបង្រៀនល្អ មានការថែរក្សាសណ្ដាប់ធ្នាប់ ៣. គ្រូបង្រៀនល្អ មានសន្ដានចិត្តជួយសិស្ស ៤. គ្រូបង្រៀនល្អ មានការពន្យល់រហូតឱ្យសិស្សគ្រប់រូបយល់ដឹង ៥. គ្រូបង្រៀនល្អ មានការផ្លាស់ប្ដូរសកម្មភាពផ្សេងៗក្នុងថ្នាក់រៀន ៦. គ្រូបង្រៀនល្អ មានការខិតខំស្វែងយល់រាល់សតិអារម្មណ៍របស់សិស្ស។

គ្រូបង្រៀន ១០ប្រទេស ទទួលបានប្រាក់បៀវត្សរ៍ខ្ពស់បំផុត

តាមសារព័ត៌មាន Business Insider បានដកស្រង់ទិន្នន័យគ្រូបង្រៀន ១០ប្រទេសទទួលបានប្រាក់បៀវត្សរ៍ជាមធ្យមខ្ពស់បំផុតនៅឆ្នាំ២០១៧ ដូចខាងក្រោម៖

សម្រាប់ថ្នាក់បឋមសិក្សា៖
១. ប្រទេសលុចហ្សំបួរ (ទទួលបានបៀវត្សរ៍មធ្យម ១៣៧០០០ដុល្លារក្នុងមួយឆ្នាំ)
២. ប្រទេសស្វីស (ទទួលបានបៀវត្សរ៍មធ្យម ៩២០០០ដុល្លារក្នុងមួយឆ្នាំ)
៣. ប្រទេសអាល្លឺម៉ង់ (ទទួលបានបៀវត្សរ៍មធ្យម ៧៥០០០ដុល្លារក្នុងមួយឆ្នាំ)
៤. ប្រទេសកូរ៉េ (ទទួលបានបៀវត្សរ៍មធ្យម ៧៥០០០ដុល្លារក្នុងមួយឆ្នាំ)
៥. សហរដ្ឋអាមេរិក (ទទួលបានបៀវត្សរ៍មធ្យម ៦៧០០០ដុល្លារក្នុងមួយឆ្នាំ)
៦. ប្រទេសអូទ្រីស (ទទួលបានបៀវត្សរ៍មធ្យម ៦៦០០០ដុល្លារក្នុងមួយឆ្នាំ)
៧. ប្រទេសហុល្លង់ (ទទួលបានបៀវត្សរ៍មធ្យម ៦៦០០០ដុល្លារក្នុងមួយឆ្នាំ)
៨. ប្រទេសកាណាដា (ទទួលបានបៀវត្សរ៍មធ្យម ៦៥០០០ដុល្លារក្នុងមួយឆ្នាំ)
៩. ប្រទេសអៀរឡង់ (ទទួលបានបៀវត្សរ៍មធ្យម ៦៥០០០ដុល្លារក្នុងមួយឆ្នាំ)
១០. ប្រទេសជប៉ុន (ទទួលបានបៀវត្សរ៍មធ្យម ៦២០០០ដុល្លារក្នុងមួយឆ្នាំ)